سەرۆکی هەرێمی (ماوە بۆ درێژکراو) ئەمرۆ بەسەردانێک دەچێتە پارێزگای کەرکوک، سەرۆکی حکومەت و پارێزگای کەرکوکیش بەسەردان گەیشتنە تورکیا.
لەسەردانێکی چاوەڕوانەکراودا بارزانی گەیشتە پارێزگای کەرکوک بەمەبەستی بەسەرکردنەوەی سەنگەرەکانی هێزی پێشمەرگەو دامەزراوەکانی شارەکە (وەک میدیاکانی پارتی باسی لێوەدەکەن).
هاوکات هەر ئەمڕۆ نێچیرڤان بارزانی و د. نەجمەدین کەریم پارێزگای کەرکوک بەسەردانێک گەیشتنە تورکیا بۆ کۆبوونەوە لەگەڵ تەیب ئۆردوگان و بەرپرسانی تری ئەو وڵاتە.
سەفەرکردنی ئەو دووبەرپرسە کوردە بەیەکەوە بۆ لای تورکیا، لای چاودێران هەنگاوێکی باشە کە تا ماوەی چەند رۆژێک لەمەوبەریش پەیوەندی د نەجمەدین و پارتی و سەرکردەکانی لەو پەڕی خراپیدا بوو.
هاوکات بەپێی قسەی چاودێران پێشوازی بەرپرسانی تورکیا لە د. نەجمەدین کەریم کە جاران ئەو وڵاتە بەدۆستی پارتی کرێکارانی کوردستانی ناوزەد دەکرد، پێشکەوتنێکی پۆزتیڤی پەیوەندییە دیبلۆماسییەکانە.