سەرۆكایەتی شارەوانی شارۆچكەی دوكان ڕایدەگەیەنێت" بەهۆكارێكی نادیار ئاگر لە بەشێكی دارستانەكانی ناوچە گەشتیاریەكانی قەشقۆڵی كەوتەوە".
سەرۆكایەتی شارەوانی شارۆچكەی دوكان لەڕاگەیەنراوێكدا بڵاویكردەوە، بە داخەوە بەهۆی كەوتنەوەی ئاگر لەدارستانەكانی ناوچەگەشتیارییەكانی قەشقۆڵی و بەشێكی درەختەكانی مۆنۆمێنتی ئەنفالكراوانی دۆڵی جافایەتی زیانێكی زۆر بەر درەختەكان و ژینگەی ناوچەكە كەوت.
ئەوەشی خستەڕوو، لەلایەن بەرگری شارستانی ئاگركوژێنەوە و بەشێك لە هاووڵاتیانی خەمخۆری ناوچەكە توانرا ئاگرەكە كۆنتڕۆڵ بكرێت و بۆیە هێزە ئەمنیەكان و لایەنە پەیوەندیدارەكان لێكۆڵینەوەی وورد ئەنجام بدەن لەسەر چۆنێتی ئاگركەوتنەوەكە.