ئەمڕۆ شەممە گەنجێکی تەمەن ١٤ ساڵ لە ڕووباری سیروان خنکا.
بەپێی زانیارییەکان، دوانیوەڕۆی ئەمڕۆ مێردمنداڵێک لەسەر پردی جەلەولا کەوتە نێو رووباری سیروانەوە و خنکا.
مێردمنداڵەکە ناوی (محەمەد بوهان)ە و تەمەنی ١٤ ساڵە، لەئێستاشدا تەرمەکەی رەوانەی پزیشکی دادوەری کراوە.
پاشنیوەڕۆی دوێنێش هاووڵاتییەکی تەمەن ٢٨ ساڵ بەناوی (هەرێم محەمەد مەولود) لە ڕووباری گەلی عەلی بەگ کە خەلکی پارێزگای کەرکوک و دانیشتووی پارێزگای هەولێر بوو، بەمەبەستی رزگارکردنی هاوسەرەکەی لە رووبارەکە خنکا.