نوسینگەی قوباد تاڵەبانی ڕوونکردنەوەیەکی بەپەلەی بڵاوکردەوە و دەڵێت" چەند رۆژێكە لەڕێی تەلەفونەوە، پەیوەندی بە ھاوڵاتیانی شاری كەركوكەوە دەكرێت بە ناوی نوسینگەی قوباد تاڵەبانییەوە و داوا لە ھاوڵاتییان دەكرێت كە دەنگ بدەن بە دكتۆرە ئاشتی، بەھیچ شێوەیەك ئێمە ئاگاداری ئەو پەیوەندییانە نین و تاكە كاندیدی ھاوپەیمان كوردستانیش لە بازنەی (٢)ی كەركوك تەنھا گەیلان قادرە".
دەقی ڕوونکردنەوەکە:
روونكردنەوەیەك بۆ رایگشتی و ھاوڵاتیانی كەركوكی خۆشەویست بەتایبەت
چەند رۆژێكە لەڕێی تەلەفونەوە، پەیوەندی بە ھاوڵاتیانی شاری كەركوكەوە دەكرێت بە ناوی نوسینگەی بەڕێز قوباد تاڵەبانییەوە و داوا لە ھاوڵاتییان دەكرێت كە؛ دەنگ بدەن بە دكتۆرە ئاشتی، بۆیە بە پێویستمان زانی بۆ رایگشتی و كەركوكییە خۆشەویستەكان بەتایبەت روونبكەینەوە كە؛ بەھیچ شێوەیەك ئێمە ئاگاداری ئەو پەیوەندییانە نین و تاكە كاندیدی ھاوپەیمان كوردستانیش لەبازنەی (٢)ی كەركوك تەنھا گەیلان قادرە كە ژمارەكەی (٢١) و داوامان وایە لەو بازنەیە دەنگەكانتان ھەر بۆ ئەو بێت نەك كەسی تر، ئەو بڕیارەش لەبەر رۆشنایی بەرژەوەندی ھاوپەیمانی كوردستان و گشتی دراوە.
لەگەڵ رێزدا
سەمیر ھەورامی
لە نوسینگەی قوباد تاڵەبانی