بەیانی ئەمڕۆ لەسەر رێگای هەولێر - کەرکوک ڕووداوێکی هاتووچۆ ڕوویدا، کە بەهۆیەوە کەسێک گیانی لەدەستدا.
بەڕێوەبەرایەتی هاتوچۆی هەولێر لەراگەیەنراوێکدا بڵاویکردەوە، کاتژمێر ٦:٠٠ی سەرلەبەیانی ئەمڕۆ، لەسەر ڕێگای هەولێر کەرکوک لە نزیک کۆشکی سپی، ئۆتۆمبێلێکی جۆری ئۆپڵی تایبەت بەهۆی تیژڕۆیی کۆنترۆلی لەدەستداو بەسەر دورگەی ناوەندی شەقام کەوت.
ئاشکراشیکرد: ئۆتۆمبێلەکە خۆی کێشا بەژووری بیری ئاوی ناو دورگەی ناوەندەکە و ئینجا وەستا، بەداخەوە لە دەرەنجامی ڕوداوەکە شوفێرەکە کە بەتەنها بوو لەناو ئوتومبێلەکە گیانی لەدەستدا و زیانێکی زۆری مادیش کەوتەوە.