بەڕێوەبەرایەتی پۆلیسی هەولێر گرتە ڤیدۆییەکی بڵاوکردەوە کە لە کامێراکانی چاودێرییەوە تۆمارکراوە و تیایدا پیاوێک بە (قەمەوە) هێرش دەکاتە سەر ماڵێک.
لە ڕاگەیەنراوێکدا بەڕێوەبەرایەتی پۆلیسی پارێزگای هەولێر ڕایگەیاند" بەشی پۆلیسی ناوشار/ ڕۆژهەڵات، بنکەی پۆلیسی باداوە، تۆمەتبارێکیان بە ناوی (م. ا. ع) دەستگیر کرد، کە لە بنکەی پۆلیسی کەسنەزان بەپێی ماددە (٤٣٢) لە یاسای سزادان، فەرمانی دەستگیرکردنی هەبوو".
ئەوەشی خستەڕوو: لە ئێستادا تۆمەتبارەکە پەڕاوی لێکۆڵینەوەی بۆ رێکخراوە و رەوانەی دادگا کراوە.
پۆلیسی هەولێر گرتەیەکی ڤیدیۆیشی بڵاوکردۆتەوە، وەک لە ڤیدیۆکەدا دەردەکەوێت تۆمەتبارەکە بە قەمەیەکەوە هێرش دەکاتە سەر ماڵێک.