پۆلیسی شاری کورکوک بڵاویکردەوە کەسێک بە تۆمەتی کوشتنی  ژن و پیاوەکەی کەرکوک دەستگیرکراوە لە نەتەوەی عەرەبە.

به‌گوێره‌ی ئه‌و زانیاریانه‌ی له‌ پۆلیسی کەرکووک بڵاوکراونەتەوە، ژن و پیاوێك به‌ سه‌ربڕدراوی له‌ماڵه‌كه‌ی خۆیان له‌گه‌ڕه‌كی شۆراوی كه‌ركوك دۆزرانه‌وه‌، هێزه‌ ئه‌منیه‌كان لێكۆڵینه‌وه‌كانیان ده‌ستپێكرد و توانیان كه‌سێك به‌تۆمه‌تی ئه‌نجامدانی ئه‌و تاوانه‌ ده‌ستگیربكه‌ن.

پۆلیسی کەرکوک باسیلەوەشکرد، ئەو كه‌سه‌ی ده‌ستگیركراوه‌ له‌نه‌ته‌وه‌ی عه‌ره‌به‌ و خه‌ڵكی كه‌ركوكه‌، به‌پێی لێكۆڵینه‌وه‌ سه‌ره‌تاییه‌كانیش، دانی به‌وه‌دا ناوه‌ كه‌ له‌گه‌ڵ دوو كه‌سی دیكه‌ تاوانه‌كه‌ی ئه‌نجامداوه‌ كه‌ خه‌ڵكی به‌غدا بون و له‌ئێستاشدا هه‌ڵاتون، گه‌ڕانیش بۆ دۆزینه‌وه‌ی شوێنه‌كانیان و ده‌ستگیركردنیان به‌رده‌وامه‌، رووداوه‌كه‌ دره‌نگانێكی شه‌وی چوارشه‌ممه‌ رویداوه‌ و ته‌رمی ژن و مێرده‌كه‌ له‌ناو ماڵه‌كه‌یاندا دۆزراونه‌ته‌وه‌، دوای ئه‌وه‌ی چه‌ند كه‌سێك به‌مه‌به‌ستی دزیكردن چونه‌ته‌سه‌ر ماڵه‌كه‌یان له‌ گه‌ڕه‌كی شۆراو.

ژنه‌كه‌ پیشه‌ی مامۆستا بوه‌ له‌نه‌ته‌وه‌ی عه‌ره‌ب بو، هاوسه‌ره‌كه‌شی كورد بوه‌ و له‌ شاره‌وانی كه‌ركوك فه‌رمانبه‌ر بوه‌، ئه‌م خێزانه‌ هیچ منداڵێكیان نه‌بوه‌ و ماڵه‌كه‌یان له‌ناوچه‌یه‌كی چۆڵه‌وانی گه‌ڕه‌كی شۆراو بوه‌ و ئه‌وه‌ش وه‌ك دانیشتوانی گه‌ره‌كه‌كه‌ باسیان كردوه‌ یه‌كه‌مین روداوه‌ی له‌و شێوه‌یه‌ له‌ناوچه‌كه‌یان رویداوه‌.