ماوەی هەفتەیەکە دەزگای ئاسایش لە دهۆک دەزگای میدیای گاف نیوزی داخستووە کە مۆڵەتی فەرمی کارکردنی لە هەرێمی کوردستاندا هەیە.

ئەو دەزگا میدیاییە کە ١٣ ی تشرینی دووەم داخرا، تا ئێستا هۆکاری داخستن و بەپێی چ بڕیارێک دخراوە، بە بەرپرس و ستاڤی دەزگاکە رانەگەیەندراوە.

گاڤ نیوز کە دەزگایەکی دیجتاڵ میدیایەو لەماڵپەڕ و چەندان پەیج لە تۆڕە کۆمەڵایەتییەکان پێکهاتبوو، لەلایەن کۆمپانیای پاڵو بۆ پەخش و راگەیاندن کۆمەکی مادی دەکرا کە موڵکدارێتی کۆمپانیاکە دەگەرێتەوە بۆ ئیدریس نێچیرڤان بارزانی.

گافنیوز لە ٢٠٢٠/٩/٢٦ دامەزراوەو سەرەتا بە زاراوەی کرمانجی سەرو بابەتەکانی بڵاودەکردەوەو بەم دواییەش بەشی کرمانجی خوار و ( سۆران )ی کردەوەو ستافەکەی ٢٠ کارمەند و رۆژنامەنووس بووە. 

بەپێی یاسا بەرکارەکانی هەرێم و بەتایبەتی یاسای ٣٥ رۆژنامەگەری ساڵی ٢٠٠٧ هیچ دەزگایەکی راگەیاندن نابێت داخرێت و گەر سەرپێچیشی هەبێت لە رووی مادیەوە سزا دەدرێت.