ئەمینداری وەزارەتی پێشمەرگە ڕاگەیاندراوێکی بڵاوکردەوە، لەسبەینێوە شاندێكی باڵای وەزارەت سەردانی سەنگەرەكانی پێشمەرگە دەكەن و هەر پێداویستییەكیان بووبێت بۆیان دابیندەكرێت و ئاشكراشیدرد، هێزی زیاتر ڕەوانەی سەنگەرەكانی پێشمەرگە دەكرێن.

 ئەمڕۆ سێشەممە ٣٠ تشرینی دووەمی ٢٠٢١، فەریق ڕوكن جەبار یاوەر, ئەمینداری وەزارەتی پێشمەرگە لە وەزارەت كۆبوونەوەیەكی باڵا یان ئەنجامداو لێپرسراوی یەكە و لیواو فەرماندەكان ئامادە بوون و بڕیاردرا لە سبەینێوە شاندێكی باڵای وەزارەت سەنگەرەكانی پێشمەرگە بەسەربكەنەوە هەر پێویستییەكیان هەبێت بۆیان جێبەجێ بکرێت.

باسی لەوەشکرد، سەرجەم فەرماندەكان ڕێنمایی نوێیان پێدراوە و سەنگەرەكانی پێشمەرگە قایمتر دەكرێن و كامێرای حەراریش لە سەنگەرەكان جێگیردەكەین و هێزی زیاتریش ئەگەر پێویست بكات ڕەوانەی سەنگەرەكانی پێشمەرگەی دەكەین.