فەرمانگەی میدیاو زانیاری بڵاویکردەوە، ئەمڕۆ ١٨ی کانوونی دووەم، سەرۆکی حکومەتی هەرێمی کوردستان فەرمانی بەقەزابوونی بۆ ناحیەی پیرمام و عەنکاوە لە هەولێر و بازیان لە سلێمانی دەرکرد.

دەقی ڕاگەیاندراوەکەی فەرمانگەوی میدیاو زانیاری بەمشێوەیە هاتووە:

هەولێر، هەرێمی کوردستان، عێراق (GOV.KRD)- دوا بەدوای فەرمانی مەسرور بارزانی، سەرۆکی حکومەتی ھەرێمی کوردستان لە رۆژی ٢٣ی کانوونی یەکەمی ٢٠٢١ بۆ بە قەزابوونی ھەردوو ناحیەی عنکاوە و پیرمام لە پارێزگای ھەولێر و ناحیەی بازیان لە پارێزگای سلێمانی، ئەمڕۆ ئەو فەرمانە بەشێوەیەکی فەرمی چووە بواری جێبەجێ كردنەوە، ئەمەش لە چوارچێوەی بایەخدانی کابینەی نۆیەمی حکومەتی هەرێمی کوردستان بۆ کارئاسانی کاروباری هاووڵاتیانی و شۆڕکردنەوەی دەسەڵاتەکان لە هەرێمی کوردستان..

فەرمانگەی میدیا و زانیاری

١٨ی کانوونی دووەمی ٢٠٢٢