دوای ئەوەی کەسێک لەساڵی ٢٠٠٥ خێزانەکەی خۆی دەکوژێت و هەڵدێت پۆلیس
دوای ١٧ ساڵ دەستگیری دەکات.
ئەمڕۆ هەینی ٤ی شوبات، ڕاگەیاندنی پۆلیسی گەرمیان
ئاشکرایکرد، دوای ئەوەی تۆمەتبارێک بەناوی ( ا - م - ح ) لەدایکبووی ١٩٦٨ لەساڵی ٢٠٠٥
لەشارۆچکەی تەق تەق خێزانەکەی خۆی دەکوژێت و هەڵدێت، ئەمڕۆ
پۆلیسی بەشی نەهێشتنی تاوانی گەرمیان توانیان تۆمەتبارەکە دەستگیر بکەن.
پۆلیسی گەرمیان باسی لەوەشکرد، ئەو تۆمەتبار
تاوەکوو ئێستا چەندجارێک شوێنی نیشتەجێبوونی خۆی گۆڕیوە و خۆی حەشارداوە.
دوای لێکۆڵینەوە و وەرگرتنی زانیاری ئەو تۆمەتبارە لەساڵی ٢٠٠٥ لەلایەن دادگای شارۆچکەی تەق تەقەوە فەرمانی دەستگیرکردنی بۆ
دەرچووە و لەئێستادا بەبڕیاری دادوەری لێکۆڵینەوەی قەزای کەلار، بەپێی مادەی ٤٠٦ تۆمەتبارەکە بەندکراوەو دواتر ڕادەستی
پۆلیسی شارۆچکەی تەق تەق دەکرێتەوە.