تیمی کوردستانی رێکخراوی CPT رایانگەیاند، "پێنج لە گیراوانی بادینان بڕیاری کەمکردنەوەی سزاکان نایانگرێتەوە و تائێستا لە زیندانەکاندا ماونەتەوە".

ئەمڕۆ پێنجشەممە ٢٤ی شوبات،  تیمی کوردستان CPTی ئەمریکی لە کۆنفرانسێکی رۆژنامەوانیدا ئاشکرایانکرد، بڕیارەکەی سەرۆکی هەرێم بۆ کەمکردنەوەی سزای گیراوانی  بادینان ٥ کەسیان ناگرێتەوە ئەوانیش، قارەمان شکورى، نەزیر میکایل، مەسعود عەلى، شێروان تەها، عامر خالید، مەحمود ناجى ئەحمەد. 

جەختیان لەوەشکردەوە، پێویستە بڕیارەکە ئەو کەسانەش بگرێتەوە و بە زوترین کات ئازادبکرێن، چونکە کەیسەکانی هەمویان پەیوەندیدارە بەیەکەوە و بەهۆی بەشداریکردنیان لە چالاکی مەدەنیدا دەستگیرکراون.

باسی لەوەشکرد، تۆمەتی زۆر گەورەیان ئاراستە کراوە و بەڵگەی زۆر بێ بنەما هەبوون، بۆیە دەبوو دەستبەجێ ئازادبکرانایە و قەرەبوش بکرایانەتەوە.