دوای نارەزایەتی لایەنگرانی عەلی سیستانی و سوتانی بارەگای پارتی دیموکراتی کوردستان لە بەغداد، پارتی راگەیەندراوێكی لەوبارەیەوە بڵاوكردەوە و رەتیدەکاتەوە کە نایف کوردستانی پەیوەندی بەوانەوە هەبێت.
پارتی دیموكراتی كوردستان لە ڕاگەیەندراوەکەدا ئاماژە بەوە دەکات" بەردەوام رێزی تایبەت لە تەواوی مەرجەعیەتە ئایینیەكان دەگرین و كادیر و ئەندامانیشی ئامۆژگاری كردووە، رێز لە مەرجەعیەتە ئیسلامی و ئایینەكانی دیكە بگرن".
ئەوەشی خستەڕوو، نایف کوردستانی پەیوەندی بە حزبەکەمانەوە نییە و ئەو بابەتەی بڵاوی کردووەتەوە تەنها گوزارشت لە رای تایبەتی خۆی دەکات، ئێمە بڕوای راستەقینەمان بە پێکەوە ژیانی ئاشتییانە و رێزگرتن لە تەواوی بیروباوەڕی ئایینی و مەزهەبییەکان هەیە.