بە چەند مووشەكێك هێرشكرایە سەر بنكەی سەربازیی توركیا لە ناحیەی زیلكان، بەڵام زیانی گیانی نەبووە.
ئەمشەو بنكەیەكی سەربازیی توركیا لە زیلكان مووشەكباران كران، محەممەد ئەمین، بەڕێوەبەری ناحیەی زیلكان رایگەیاندووە "پێنج مووشەك ئاڕاستەی بنكە سەربازییەكە كراون، بەڵام هیچ زیانی گیانیان نەبووە".
هەروەها دژە تیرۆری كوردستان لەو بارەوە رایگەیاندووە "بە شەش مووشەك هێرشكرایە سەر سەربازگەی زێلكان لە ناحیەی باشیكی سەر بە پارێزگای نەینەوا".
دژە تیرۆری كوردستان ئاماژەی بەوەكردووە "سێ لە مووشەكەكان لە نزیك سەربازگەكە كەوتنە خوارەوە كە لە دووڕییانی عومەرقاپچی سەر بە ناحیەی باشیك ئاڕاستە كرابوون، هێرشەكە هیچ زیانێكی گیانی و ماددی لێ نەكەوتووەتەوە".