بڕیار وایە رۆژی سێشەممەی ئەم هەفتەیە دەست بە دابەشكردنی مووچەی مانگی رابردووی فەرمانبەران بكرێت.
بەپێی زانیارییەكانی (سپی) كە لەسەرچاوەیەكی ئاگاداری وەزارەتی دارایی حكومەتی هەرێمەوە دەستی كەوتووە، بڕیارە رۆژی سێشەممە دابەشكردنی مووچەی مانگی رابردووی فەرمانبەرانی حكومەتی هەرێم دەست پێبكات، لەبەرئەوەی ئەم دوو رۆژە تایبەت كراوە بە دابەشكردنی مووچەی ئەو وەزارەت و دەستەو بەڕێوەبەرایەتی خانەنشینانەی لەناوچەکانی سلێمانی كە مووچەی مانگی ئازاریان وەرنەگرتبوو.
سەرچاوەكە ئاماژەی بەوەكرد، بۆ مووچەی مانگی رابردوو، داوا لە گەنجینەكان كراوە لیستی مووچە ئامادە بکەن بۆ ئەو مەبەستە.