ئۆفیسی سلێمانی كۆمسیۆنی هەڵبژاردنەكان لە راگەیەنراوێكدا رایگەیاندووە "ئاگاداری ئەو ھاوڵاتیانە دەكەین كە مافی  دەنگدانیان ھەیە و  پێشتر تۆمار نەكراون سەردانی ناوەندەكانی تۆمار بكەن لە نزیكترین شوێنی نیشتەجێبوونیان، بەمەبەستی خۆ تۆماركردن و زامنكردنی مافی دەنگدانیان لە داھاتوودا."   

راگەیەنراوەكە ئاماژەی بەوەشكردووە "ھەروەھا بۆ ئەو ھاووڵاتیانەشی كە پێشتر تۆماریان بۆ ئەنجام دراوە سەردانمان بكەن و كارتی دەنگدانەكانیان وەربگرنەوە كە لە ئێستادا ناوەندەكان ڕۆژانە (جگە لە ڕۆژانی  ھەینی و شەممە ) لە كاتژمێر ٨ی بەیانی تاوەكو ٣ی پاشنیوەڕۆ لە پێشوازی ھاووڵاتیاندان."   

راگەیەنراوەكە داوای لە هاوڵاتیان كردووە ئەم پێداویستییانە لەگەڵ خۆیان ببەن (پێناسی باری شارستانی و ڕەگەزنامەی عێراقی، یان كارتی نیشتیمانی، كارتی نیشتەجێبوون(زانیاری)، كۆبونی خۆراك، كارتی دەنگدانی كۆن (گەر ھەبێت).