كۆمپانیای نەوتی باكور، لە بڵاوکراوەیەکدا حكومەتی هەرێم بە "دەست بەسەراگرتنى" دوو كێڵگەی نەوتی بۆسەر كۆمپانیاكە تۆمەتبار دەکات و دەڵێت" حكومەتی هەرێم زیادەڕۆی كردۆتەوە سەر كێڵگە نەوتییەكانی سەر بە كۆمپانیاكەمان".
كۆمپانیاكه لە ڕاگەیەندراوێکدا ئاماژەی بەوەکردووە" حکومەتى هەرێم چەندین جار پێشێلكاریی و مامەڵەى خراپى بەرامبەر كێڵگە نەوتییەكانی (خورمەلە/ هاڤانا/ سەفیە/ كۆرمۆر) ئەنجام داوە".
ئەوەشی خستەڕوو، کۆمپانیاکەمان چەندین داوای یاسایی لە دادگا پەیوەندیدارەکانی عێراق بەرزکردوتەوە و چاوەڕوانى وه‌ڵامى داداگایە.
كۆمپانیاكه ئاشکراشیکردووە، هێزێكی چەكداری سەر بە حكومەتی هەرێم، بە یاوەری تیمێكی تەكنیكی هێرشیان کردوەتە سەر بیرەكانی (بای حەسەن و داود)، كە ئەمەش پێشێلی دەستوور و یاسان،
بەو پێیەی نەوت و غاز موڵكی هەموو گەلی عیراقە و حكومەتی فیدراڵی سەرپەرشتی كۆمپانیا نیشتمانییەكان دەكات.
تائێستا حكومه‌تی هه‌رێمی کوردستان هیچ ڕاگەیەندراوێکی فەرمی له‌مباره‌یه‌وه بڵاونەکردۆتەوە.