به‌رپرسی راگه‌یاندنی مه‌ڵبه‌ندی موسڵی یه‌كتێیی نیشتمانیی كوردستان رایگەیاند داعش قەزای شەنگالی كۆنترۆڵ كردوە‌و ئاڵای داعش له‌سه‌ر به‌شكێی زۆر له‌ دام و ده‌زگا حكومی و حزبییه‌كان هه‌ڵكراوه‌.

خێری شه‌نگاری به‌رپرسی راگه‌یاندنی مه‌ڵبه‌ندی موسڵی یه‌كتێیی نیشتمانیی كوردستان به‌ PUKmedia ی  راگه‌یاند: كه‌مێك پێش ئێستا هێزه‌كانی پێشمه‌رگه‌ له‌ قه‌زای شه‌نگال پاشه‌ كشێیان كرد، هه‌روه‌ها له‌دوای كه‌مێك روبه‌ڕوو بوونه‌وه‌ی هێزه‌كانی لیوای مه‌ڵبه‌ندی موسڵ و هاووڵاتیان ئه‌وانیش پاشه‌ كشێیان كرد.

 وتیشی: له‌ ئێستادا قه‌زای شه‌نگاڵ كه‌وتۆته‌ ده‌ست چه‌كدارانی تیرۆرستی داعش و ئاڵای داعش له‌سه‌ر به‌شكێی زۆر له‌ دام و ده‌زگا حكومی و حزبییه‌كان هه‌ڵكراوه‌.

راشیگه‌یاند: به‌هۆی پاشه‌ كشێی هێزه‌كانی پێشمه‌رگه‌و داگیركردنی قه‌زای شه‌نگال له‌لایه‌ن چه‌كدارانی تیرۆرستی داعشه‌وه‌ هاوولاتیانی ئه‌و قه‌زایه‌ كۆچیان كردوه‌ بۆ پارێزگای دهۆك و ناوچه‌كانی تری هه‌رێمی كوردستان.