فراتنیوز بڵاویکردەوە کە ئه‌ندامی کۆمیته‌ی به‌رێوه‌به‌ری PKK شه‌وی رابردوو به‌شداری به‌رنامه‌یه‌کی ته‌له‌فزیۆنی ستێرک تیڤی بوو و راگه‌یاند که‌ ئه‌وان وه‌ک گه‌ریلا ئه‌م شه‌و ده‌ستێوه‌ردانی شه‌نگال ده‌که‌ن .کارایلان بانگه‌وازی دامه‌زراندنی فه‌رمانداری هێزێکی هاوبه‌شی له‌ پارتی دیموکراتی کوردستان ــ ئێراق PDK و یه‌کێتی نیشتمانی کوردستان کرد و وتی :" پێویسته‌ گه‌ریلا ، YPG و پێشه‌رگه‌ ببنه‌ یه‌ک".

موراد کارایلان ئه‌ندامی کۆمیته‌ی به‌رێوه‌به‌ری KCK به‌شداری به‌رنامه‌ی (ئه‌نالیز ) له‌ته‌له‌فزیۆنی ستێرک تیڤی بوو و له‌باره‌ی هێرشی داعش هه‌ڵسه‌نگاندنی کرد و وتی " داعش به‌هێز نه‌بوو ، به‌ڵام به‌هێزیان کرد ."کارایلان رایگه‌یاند:" به‌تایبه‌ت ئه‌و هێرشه‌ی له‌دژی موسل کرا هه‌موو که‌سێک بینی ، هێزه‌ هه‌گه‌مۆنه‌کان له‌وه‌ ئاگادارن . یانیش هه‌موو شته‌کان هه‌ڵده‌سه‌نگێنن . به‌ڵام له‌به‌رامبه‌ر هێرشی داعش بێ ده‌نگیان هه‌ڵبژارد . به‌گوێره‌ی ئێمه‌ ئامانجیان ئه‌وه‌یه‌ که‌ له‌نێوان گه‌لانی هه‌رێمه‌که‌ شه‌ڕ قولتر بکه‌نه‌وه‌ ، ناکۆکییه‌کان زیاتر بکه‌ن . ده‌خوازن گه‌لانی هه‌رێمه‌که‌ بڵاوبکه‌نه‌وه‌ ، خوێن بڕێژن و به‌و شێوه‌یه‌ به‌گوێره‌ی خۆیان دیزایینی بکه‌ن ."

" داعش پارچه‌یه‌کی ئه‌و پرۆژه‌یه‌یه‌ . بۆیه‌ به‌هێز کرا . ئه‌گه‌ر هێزه‌ کوردستانییه‌کان ، هێزه‌کانی باشووری کوردستان وه‌ڵامێکی ئه‌رێنییان هه‌بوایه‌ ، ره‌نگه‌بوو ئه‌مرۆ به‌و شێوه‌یه‌ داعش ده‌رفه‌رتی بۆخۆی نه‌قۆستبایه‌وه‌. ئێمه‌ وتمان ؛ ئاماده‌ین شه‌نگال بپارێزین ، که‌رکوک و مه‌خمور بپارێزین " هه‌م بانگه‌وازیمان کرد و هه‌میش هه‌میش هه‌ڤاڵانمان له‌ به‌شی په‌یوه‌ندییه‌کان چوون و ئه‌م پێشنیاره‌یان پێشکه‌ش کرد . به‌ڵام قبولیان نه‌کرد . ئه‌گه‌ر له‌و بواره‌وه‌ ئاماده‌کاریی هه‌بواییه‌ ئه‌مه‌ی ئێستا رووی نه‌ده‌دا . ئه‌و گروپه‌ی ئێمه‌ ناردمان بۆ شه‌نگال ده‌ستگیرکران".

" پێشنیارمان قبول نه‌کرا ، گروپێکی پسپۆر ، گروپێک بۆ ئه‌وه‌ی ئاماده‌کارییه‌کان بکات ناردمان، پێشمه‌رگه‌ش ئاگاداربوون ، (3)هه‌ڤاڵ له‌وانه‌ 20 رۆژ به‌رله‌ئێستا ده‌ستگیرکران و تائێستا ئازاد نه‌کراون . به‌گوێره‌ی ئه‌و زانیارییانه‌ی ئێمه‌ به‌ده‌ستمان که‌وتوون له‌زیندانی دهۆک راگیراون . لێره‌وه‌ له‌ به‌رپرسانی ئه‌وێ ده‌پرسم ( ئێوه‌ ئه‌وانتان ده‌ستگیرکرد و ده‌ستیشتان له‌شه‌نگال به‌ردا ، شه‌نگالتان به‌جێ هێشت  ، ئێوه‌ شه‌نگالتان به‌ردا ، به‌ڵام ئه‌وتان به‌رنه‌دان . بۆچی هاتبوون بۆ ئه‌وێ ، هه‌ڵبه‌ته‌ بۆ ئه‌وه‌ی پشتگیری ئێوه‌بکه‌ن ، بۆ ئه‌وه‌ی شه‌نگال بپارێزن هاتبوون ، به‌ڵام ئه‌مه‌ پاداشتی ئێوه‌بوو ."

کارایلان له‌باره‌ی شه‌نگاله‌وه‌ رایگه‌یاند:" شه‌نگال ناوه‌ندی رۆحی کوردانه‌ ، ئێمه‌ ناتوانین ناوه‌ندێکی به‌و شێوه‌یه‌ که‌ دیاری ده‌روێشی عه‌بدییه‌ بۆ گروپه‌ چه‌ته‌کان به‌جێ بهێڵین . ئه‌مه‌ به‌هیچ شێوه‌یه‌ک قبول ناکرێت . گه‌له‌که‌مان له‌وێ رووبه‌رووی زه‌حمه‌تیه‌کی زۆر بووه‌وه‌ ، رووبه‌رووی شکستێکی مه‌زن بوونه‌ته‌وه‌ و ئه‌مه‌ قابیلی ئه‌وان نیه‌ ، ویژدانی مرۆڤه‌کان ئه‌مه‌ قبول ناکات ."

 موراد کارایلان له‌به‌رده‌وامی ووته‌کانیدا سه‌ره‌نجی راکیشایه‌سه‌ر هه‌نگاوی به‌رخۆدانی یه‌کینه‌کانی پاراستنی گه‌ل YPG و ووتی :" هێزه‌کانی YPG رێگریان له‌ گه‌مارۆدانی شه‌نگال کرد و ئه‌مرۆ گه‌یشتنه‌ شه‌نگال ، به‌ڵام ئه‌مه‌ به‌س نیه‌ ، هێزێکی مه‌زن ده‌خوازێت . ده‌بێت گه‌له‌که‌مان ئه‌وه‌ بزانێت که‌ ئه‌م شه‌و ده‌ستێوه‌ردانی شه‌نگال ده‌که‌ین . ئێمه‌ ده‌ست له‌چیای شه‌نگال به‌رناده‌ین و له‌وێ ده‌مێنینه‌وه‌ . ده‌بێت گه‌نجانی کوردیش ده‌ست له‌چیای شه‌نگال به‌رنه‌ده‌ن ، YPG فیداکاریه‌کی مه‌زنی کرد ، به‌ڵام ده‌بێت سیسته‌مێکی پاراستن دامه‌زرێت ."

بانگه‌وازییه‌ک بۆ PDK و YNK : پێویسته‌ ئێمه‌ هێزێکی هاوبه‌ش دامه‌زرێنین  

کارایلان رایگه‌یاند :" پێویسته‌ ئێمه‌ هێزێکی هاوبه‌ش دامه‌زرێنین ، ئێمه‌ ئاماده‌کاری ده‌که‌ین ، له‌سه‌رووی هه‌موویانه‌وه‌ شه‌نگال هه‌موو ئه‌و شوێنانه‌ی داعش داگیری کردوون ده‌ریان ده‌خه‌ین. ئێمه‌ ئاماده‌ین هه‌موو جۆره‌ فیداکارییه‌ک بکه‌ین ."

" ده‌توانین له‌که‌مترین کاتدا شه‌نگال ئازادبکه‌ین ، به‌ڵام ئه‌گه‌ر ئه‌مه‌ش نه‌بێت ئێمه‌ وه‌ک گه‌ریلا له‌وێین ، ئێمه‌ رێگه‌ناده‌ین ئه‌و کارانه‌ی داعش ده‌خوازێت له‌وێ بیکات . به‌هه‌موو شێوه‌یه‌ک له‌به‌رامبه‌ر ئه‌وه‌ به‌رخۆدان ده‌که‌ین ، با گه‌لی کوردستان بزانێت ئێمه‌ سه‌رکه‌وتن به‌ده‌ستده‌خه‌ین . براکانمان له‌باشوور ، فه‌رمانداری پێشمه‌رگه‌ ده‌توانێت له‌گه‌ڵ ئێمه‌ بێت ، ته‌کینکی ئه‌وان زۆره‌ ، چه‌کی قورسیان هه‌یه‌ ، ئێمه‌ ده‌توانین هێزێکی مه‌زن نیشان بده‌ین ، هه‌ر وه‌ک چۆن ئێمه‌ خاوه‌نداریمان له‌کۆبانێ کرد به‌هه‌مان شێوه‌یه‌ش خاوه‌نداری له‌شه‌نگال ده‌که‌ین ، بانگه‌وازیش له‌گه‌لی کوردستان ده‌که‌م ، هه‌روه‌ک چۆن ئێمه‌ ووتمان خاوه‌نداری له‌کۆبانێ بکه‌ن ، ئێستاش ده‌ڵێین خاوه‌نداری له‌شه‌نگال بکه‌ن . کۆبانێ و شه‌نگال هیچ جیاوازییه‌کیان نیه‌ . سنووره‌کان ئیدی هیچ واتایان نه‌ماوه‌ . ئێمه‌ رێگه‌ناده‌ین به‌هیچ که‌سێک ناده‌ین پۆستاڵی چه‌په‌ڵی بخاته‌ سه‌ر خاکه‌که‌مانه‌وه‌ . ده‌بێت پلاتفۆرمێکی ناونه‌ته‌وه‌یی دامه‌زرێنین . ئێمه‌ دایده‌مه‌زرێنین و فه‌رمانی ( 73) له‌به‌رامبه‌ر گه‌لی کوردی ئێزیدی پێکنایه‌ت . ده‌بێت YPG ، گه‌ریلا و پێشمه‌رگه‌ ببنه‌ یه‌ک ، ئه‌مه‌ داخوازی ئێمه‌یه‌ ."

ستایشی YPG ی کرد 

موراد کارایلان ئه‌ندامی کۆمیته‌ی به‌رێوه‌به‌ری PKK ستایشی هێزه‌کانی YPG ی کرد که‌ له‌ ره‌بیعه‌ هه‌تا شه‌نگال به‌رخۆدانێکی بێ وێنه‌ له‌دژی داعش تۆمار ده‌که‌ن و وتی " ئه‌مه‌ هه‌ڵوێستێکی زۆر پیرۆزه‌ و ستایشی ده‌که‌م . ئه‌مه‌ په‌یامێکی گرنگ بوو بۆ هه‌موو که‌سێک . ئه‌و هه‌ڵوێسته‌ی YPG له‌ بنه‌مادا بانگه‌وازی یه‌کێتی نه‌ته‌وه‌ییه‌ . ره‌نگه‌ YPG هێزێکی نوێ بێت ، به‌ڵام له‌ناو شه‌ڕدا دروست بوو و به‌و شێوه‌یه‌ ئه‌زموونی هه‌یه‌ و به‌ره‌و پێشه‌وه‌چوو . گه‌یشته‌ فلاتفۆرمێکی سه‌ربازی . له‌ئه‌نجامی به‌رخۆدانی دوورۆژ (8)شه‌رڤانی YPG شه‌هیدبوون . لێره‌وه‌ به‌بیریان دێنینه‌وه‌ . ئه‌وانه‌ بۆ ئه‌وه‌ی رێگاله‌به‌رده‌م کۆمه‌ڵکوژی بگرن گیانی خۆیان فیداکرد".