ئەمڕۆ چوار شەممە ١٣ی حوزەیران، چەند جوتیارێکی
سنووری پارێزگای سلێمانی، هێرشیانکردە سەر عەلوەی شارەکە و زیانێکی زۆری ماددیان
بە شوێنەکە گەیاند.
د.گزنگ بەڕێوەبەری تاقیگەی عەلوەی سلێمانی ڕایگەیاند
"ژمارەیەک جوتیار بە بیانووی هەبوونی داواکارییەوە هێرشیانکردووەتە سەر
تاقیگەکەمان و بەوهۆیەشەوە زیانێکی زۆری ماددی کەوتووەتەوە".
دەشڵێت "ئەم هێرشە پلان بۆ دارێژڕاو بووە و
ئەوانەی ئەنجامیانداوە هەموویان دەناسین و دەزانین کێن، هۆکاری رووداوەکەش ئەوەەیە
کە ئەو جوتیارانەی هێرشەکەیان ئەنجامداوە بەرهەمەکانیان بۆ ساغناکرێتەوە یاخود
پارەی کەمیان لە فرۆشتنیاندا دەستدەکەوێت".
ئاماژەی بەوەشکرد، لە ئێستادا تۆماری کامێراکانی
چاودێری رادەستی هێزەکانی پۆلیسی کراوە و ئەوان لێکۆڵینەوە لە رووداوەکە دەکەن و
چاوەڕوان دەکرێت لە داهاتوویەکی نزیکدا تۆمەتبارەکان دەستگیربکرێن.