هێزی پێشمەرگەی كوردستان لەناوچەی خازر سەر بەپارێزگای هەولێر پێشڕەوی كردوە‌و گوندی "زەردەك"ی لەدەست چەكدارانی داعش وەرگرتووەتەوە.

لەمبارەیەوە هەرێمی كەمال ئاغا، ئەندامی سەركردایەتی یەكێتی كە بەرپرسی مەڵبەندی دهۆكیشە بەسپی میدیای رایگەیاند: ئەمڕۆ هێزی پێشمەرگەی كوردستان لەقۆڵی خازرەوە پێشڕەوی كردوە‌و چەكدارەكانی داعشی تێكشاندوە‌و بەردەوامە لەپێشڕەوی كردن.

ناوبراو وتی: پێشمەرگە لەو هێرشەدا گوندی زەردەك‌و شاخی "حەسار" خستۆتە ژێر كۆنترۆڵی خۆی‌و پاشەكشەی بە چەكدارانی داعش كردوە.