هونەرمەندی شێوەكار ئیسماعیل خەیات لە شاری سلێمانی كۆچی دواییكرد.
نیاز نوری، نەقیبی سەندیكای هونەرمەندانی كوردستان بە (سپی) راگەیاند، ئەمڕۆ هونەرمەندی شێوەكار ئیسماعیل خەیات لە شاری سلێمانی كۆچی دواییكرد و وتی "مامۆستا ئیسماعیل دوای نەخۆشكەوتنی و لێدانی جەڵتە، نزیكەی دوو ساڵە بێهۆشە، بەداخەوە ئەمڕۆ كۆچی دواییكرد."
ئیسماعیل خەیات تەمەنی 78 ساڵە و یەكێكە لە هونەرمەندە بەناوبانگەكان لە بواری شێوەكاریدا و هاوسەری هونەرمەندی شانۆكار گەزیزە عومەرە.