چەکدارانی داعش لە جەلەولا لە هەر شوێنێک پاشەکشە دەکەن، مین رێژی دەکەن، شەوی رابردوو بەپێی سەرچاوەیەک" چوار پێشمەرگە شەهیدبوون".
سەرچاوەیەک لە هێزی پێشمەرگەی کوردستان بە سپی میدیای راگەیاند کە چەکدارانی داعش پاش ئەو تێکشکاندنەی لەسەرجەم بەرەکانی شەڕ لەجەلەولا دووچاری بوون، ئێستا هەر سەنگەر و بینایەک چۆڵ بکەن مین رێژی دەکەن.
ئەو سەرچاوەیە ئەوەی ئاشکرا کرد کە " شەوی رابردوو لە ئەنجامی ئەو مینانەی داعش چاندوویانە چوار پێشمەرگە شەهیدبوون".
ئەو سەرچاوەیە ئاماژەی بۆ ئەوەکرد کە " لە نێو شەهیدەکاندا ئەفسەری تێدایە"، بەڵام سەرچاوەکە پلەکەی ئاشکرا نەکرد.