پسپۆرێکی کەشوهەوا رایدەگەیەنێت سبەی هەینیش ئاسمان هەورو تاوە تاوە باران دەبارێت و بەفر لە بەرزاییەکان دەبارێت.
ئاراز جەبار پسپۆری بواری کەشناسی دەڵێت "سبەی ھەینی ٦-١-٢٠٢٣ ئاسمانی ھەرێم بەدرێژای کاتەکان نیمچە ھەور بۆ ھەوری تەواو ئەبێت لەگەڵ نمە باران لەھەندێک کات و ناوچەدا".
ئەو پسپۆرە ئاماژە بۆ ئەوەش دەکات، لەناوچەکانی شاخاویەکانی سنوری پارێزگای ھەولێر کەش باراناوی ئەبێت بەشێوەی پچر پچر و بارینی بەفر بەرێژەیەکی مامناوەند لە چیا بەرزەکانی سنورەکەدا دەبارێت.
لە بارەی پلەکانی گەراوە، ئاراز جەبار دەڵێت" پلەکانی گەرما بەجێگیری ئەمێنێتەوە ، خێرای با لەسەرخۆ بۆ مامناوەند ئەبێت ١٠-٢٥کم/س لە ئاراستەی باشوری رۆژئاواوە .
دەبارەی کەشوهەوای شەممە ئاراز جەبار پێشبینی دەکات شەممە ٧-١ بۆ ئێوارەی یەکشەمە ٨-١ شەپۆلێکی دیکەی بارانبارین ناوچە جیاجیاکان دەگرێتەوە لەگەڵ دابەزینی زیاتری ئاستی بەفر بارین لە ناوچە شاخاویەکاندا و کەشی ناوچەکە بەشێوەیەکی شێدار و سارد ئەمێنێتەوە.