وەزارەتی كشتوكاڵی عێراق بڕیاریدا، هاوردەكردنی پەلەوەر و مریشك لە چوار وڵاتەوە قەدەغە بكات كە حاڵەتەكانی ئەنفلەوەنزای پەلەوەریان تێدا تۆماركراوە.
محەمەد خوزاعی، وتەبێژی وەزارەتی كشتوكاڵ رایگەیاندووە، بڕیارێكیان ئاڕاستەی دەزگای وەزارەتی ناوخۆ و لایەنە پەیوەندیدارەكان كردوە بۆ ڕێگریكردن لە هاوردەكردنی پەلەوەر بە هەموو جۆرەكانی لە توركیا، ڕۆمانیا، نەمسا و بۆلیڤیا، بەو پێیەی ئەو وڵاتانە حاڵەتی پشتڕاستكراوی ئەنفلەوەنزای باڵندەیان تۆماركردووە.
خوزاعی ئاماژەی بەوەكردووە، ئەو پەلەوەرانەی لە بازاڕە ناوخۆییەكان بەردەستن مەترسیدار نین و سەرجەمیان پشكنینیان بۆ كراوە و هیچ كامیان توشبوی ئەنفلەوەنزای پەلەوەر نین.