تەیف سامی وەزیری دارایی عێراق رایدەگەیەنێت، پێویستە مامەڵەكان لە كاغەزەوە بۆ ئەلیكترۆنی بگوازرێنەوە ئەویش بەمەبەستی كەمكردنەوەی كات و ئاسانكردنی ڕێكارەكان بۆ هاوڵاتیان.
بانكی ڕافیدەین لە راگەیەندراوێكدا رایگەیاندووە، تەیف سامی، وەزیری دارایی لە سەردانیدا بۆ بانكەكەیان رایگەیندووە، پێویستیی جێبەجێكردنی بەرنامەی حكومەت، بەتایبەتی لە جێبەجێكردنی سیستمی بانكی و ئەو ئامانجانەی كە لەڕێگەیەوە بەدەست دەهێنرێن لە گواستنەوەی مامەڵەكان لە كاغەزەوە بۆ ئەلیكترۆنی.
تەیف سامی ئاماژەی بەوەكردووە، گواستنەوەی مامەڵەكان لە كاغەزەوە بۆ ئەلیكترۆنی دەبێتە هۆی كەمكردنەوەی كات و ئاسانكردنی ڕێكارەكان و تێپەڕاندنی ئاستەنگەكان دور لە ڕۆتین، هەوڵەكانیش چڕبكرێنەوە بۆ باشتركردنی ئاستی خزمەتگوزاری پێشكەش بە كڕیاران.