له‌کۆنگره‌یه‌کی رۆژنامه‌گه‌ریدا له‌ لوتکه‌ی ناتۆ له‌ وڵاتی به‌ریتانیا ئۆباما وتی:‌ تائێستا هێزه‌ ئاسمانیه‌كانی ئه‌مریكا 100 هێرشیان بۆسه‌ر چه‌كداره‌ تیرۆرسته‌كانی داعش ئه‌نجامداوه‌و چه‌ندین چه‌كداریانم لێ كوشتوون.

له‌و کۆنگره‌ی رۆژنامه‌گه‌ریه‌که‌دا که‌ له‌ئاژانسه‌ جیهانییه‌کان بڵاوکرایه‌وه‌، ئۆباما وتی" به‌شێوه‌ی سستماتیك داعش له‌ناو ده‌به‌ین و ده‌ست ده‌كه‌ین به‌ له‌ناوبردنی سه‌ركرده‌كانی ئه‌و رێكخراوه‌ تیرۆرستیه‌و له‌گه‌ڵ وڵاتانی ناتۆ هاوڕین و هاوكاری یه‌ك ده‌كه‌ین بۆ بچوكردنه‌وه‌ی ئه‌و رێكخراوه‌ وه‌كو ئه‌وه‌ی له‌گه‌ڵ رێكخراوی تیرۆرستی قاعیده‌دا كردمان".

ئه‌و وتی" ده‌نگێكی هاوبه‌شی نێوده‌وڵه‌تی دژی تیرۆرستانی داعش یه‌كده‌خه‌ین و ئه‌و رێكخراوه‌ به‌ته‌واوه‌تی بچوده‌كه‌ینه‌وه‌، هه‌روه‌ها وتیشی: پێویسته‌ سوننه‌ش شه‌ڕی داعش بكات بۆ له‌ناوبردنی".