مەسرور بارزانی، سەرۆكی حكومەتی هەرێمی كوردستان دەستخۆشی لەو پەرلەمانتارانە دەكات كە لە كۆبوونەوەی ئەمڕۆی پەرلەمانی كوردستان بۆ كاراكردنەوەی كۆمیسیۆنی هەڵبژاردنەكان و رایدەگەیەنێت "نابێت هیچ شتێك رێگربێت لەوەی هەڵبژاردن بكرێت."
مەسرور بارزانی، سەرۆكی حكومەتی هەرێمی كوردستان (ماوە درێژكراوە) رایگەیاندووە "دەستخۆشی لە پەرلەمان دەكەم بۆ ئەو بڕیارە گرنگە، چونكە بەڕاستی شەرعییەتی هەرێمی كوردستان لەلای دۆستەكانمان لە نێوخۆ و دەرەوەدا كەوتبوویە ژێر پرسیارەوە، كە ئایا خەڵكی كوردستان باوەڕیان بە دیموكراسییەت و پرۆسەی هەڵبژاردن هەیە یان نا. نابێت هیچ شتێك رێگربێت لەوەی هەڵبژاردن بكرێت".
مەسرور بارزانی ئاماژەی بەوە كردووە "ئەم بڕیارە كە دراوە، پشتڕاستكردنەوەیەك بوو بۆ خەڵكی كوردستان كە ئەوان بڕوایان بە پرۆسەی دیموكراسی و هەڵبژاردن هەیە و هیوادارم لە كاتی خۆیدا لە كۆتایی ئەمساڵدا ئەم هەڵبژاردنانە ئەنجام بدرێن."
ئەمڕۆ پەرلەمانی كوردستان كۆبوونەوەی خۆی كرد، بەڵام بەهۆی دروستبوونی گرژی لەنێوان پەرلەمانتارانی پارتی و یەكێتی سەبارەت بە كاراكردنەوەی كۆمسیۆنی هەڵبژاردن، پاشان رێواس فایەق، كۆبوونەوەكەی دواخست، بەڵام دواتر فراكسیۆنی پارتی رایەیاند كە بە دەنگی 58 پەرلەمانتار كۆمسیۆن كاراكراوەتەوە، فراكسیۆنی یەكێتیش ئەو قسەیە رەتدەكاتەوە.