جوڵانەوەی نەوەی نوێ سکاڵایەکی لە دادگای فیدڕاڵی عێراق لەسەر حکومەتی ناوەندی و حکومەتی هەرێم و وەزیری دارایی هەرێم تۆمارکردووە بۆ گەڕاندنەوەی پاشەکەوتی مووچە.
ئەمڕۆ سێشەممە ٢٣ی ئایاری ٢٠٢٣، نەوەی نوێ حکومەتی ناوەندی تۆمەتبارکردووە بە جێگیرنەکردنی بڕگەیەک، کە حکومەتی عێراق پابەند بکات بە گەڕاندنەوەی پاشەکەوت و (حکومەتی ماوەبەسەرچووی) هەرێمیشی بە سەپاندنی پاشکەوتی مووچە تۆمەتبار کردووە.
دوای سکاڵاکە دەبێت نوێنەری حکومەتی ناوەندی و حکومەتی هەرێم بەشداری بکەن لە دانیشتنەکانی دادگادا و سکاڵاکە بۆ گەڕاندنەوەی پاشکەوتی مووچەی فەرمانبەرانی هەرێمه.
هاوکات سبەینێ دادگای فیدڕاڵی کۆبوونەوەی کۆتایی دەکات لەسەر سکاڵایەکی دیکەی نەوەی نوێ کە لە دژی درێژکردنەوەی ماوەی پەرلەمانی هەرێمی کوردستان تۆمار کرابوو بەڕێوەدەچێت.