چوار گەنجی كوردی ئێزیدی لە رووباری خابوور خنكان
چوار گەنجی كوردی ئێزیدی لەكاتی مەلەكردن لە رووباری خابووری سەر بە شارۆچكەی زاخۆ لە پارێزگای دهۆك خنكان.
سەرچاوەیەكی ئاگادار رایگەیاند ئەو چوار گەنجە كە سیانیان بران، بە مەبەستی مەلەكردن روویان لە رووباری خابوور کردبوو، كە بە دووری 50 كلم دەكەوێتە باكووری رۆژئاوای دهۆكەوە، دواتر یەكێك لەو گەنجانە دەكەوێتە ناو قۆڵایی رووبارەكە و سێ هاورێیەكەی دیكە هەوڵدەدەن رزگاری بكەن، كەچی ئەو چوار گەنجە لەو رووبارە خنکان و گیانیان لەدەست دا".
بەپێی زانیارییەكان تیمی ژێر ئاویی ناوچەکە توانیویانە، هەر چوار تەرمی گەنجەكان لە رووبارەكە دەربهێنن.
PM:03:50:11/09/2014