بەرپرسێکی یەپەگە لە کوبانی کە ناوی بەهارین کەنداڵە رایگەیاند " تەنها دوو گەڕەک ماوە لە کوبانی ڕزگار بکرێن و هەموو شوێنەکانی تر رزگارکراون".
بەهارین کەنداڵ بە BBC راگەیاندووە کە چەکدارەکانی داعش تەنها لەدوو گەڕەکدا ماون، گورزە ئاسمانییەکانی هاوپەیمانانیش دەوریان هەبووە لە تێکشکانی داعشدا.
ئەو بەرپرسەی یەپەگە ئاماژەی بۆ ئەوە کردووە کە بەهیوایە بەم نزیکانە بەتەواوی کوبانی رزگار بکرێت.
هەروەها بەرپرسێکی تری ژنانی یەپەگە کە ناوی دجلەیە بە ئاژانسی رۆیتەرزی راگەیاندووە کە ژمارەیەکی زۆر لە داعش کوژراوەو لاشەکانیان لەسەر شەقامەکان کەوتوون.
لەماوەی ٤٨ کاتژمێری رابردوودا فرۆکە جەنگییەکانی هاوپەیمانان بەسەرۆکایەتی ئەمەریکا ٤٠ جار هێرشیان کردۆتە سەر بنەکەو گردبوونەوەکانی داعش لە کوبانی.