پێشنیوەڕۆی ئەمڕۆ هەینی بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" ئەمڕۆ و سبەی پلەکانی گەرما بەرزدەبنەوە و خێرایی باش چالاک دەبێت".
بەپێی پێشبینییەکانی کەشناسی هەرێم، ئەمڕۆ ئاسمان ساماڵ و پەڵە هەور دەبێت، هاوکات خێرای با (٢٠ – ٣٠)کم دەبێت بە ئاراستەی باکوری خۆرئاوا و مەودای بینین (٩ - ١٠)کم دەبێت، پلەکانی گەرماش نزیک دەبنەوە لە تۆمارکراوەکانی دوێنێ.
ئەوەشی خستەڕوو، سبەینێ شەممە بەگشتی ئاسمان لە نێوان ساماڵ و پەڵە هەور دەبێت، هەروەها خێرای با (٢٠ – ٣٠)کم دەبێت و مەودای بینین (٧ - ٩) کم دەبێت، پلەکانی گەرماش بەراورد بە تۆمارکراوەکانی ئەمڕۆ (١ - ٢) پلەی سیلیزی بەرزدەبنەوە.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٢٩
سلێمانی: ٢٦
دهۆک: ٢٩
زاخۆ: ٣٠
هەڵەبجە: ٢٩
کەرکوک: ٣٥
سۆران: ٢٦
حاجی ئۆمەران: ٢٠
گەرمیان: ٣٦