بەهۆی کێشەی زەوی زارەوە چەند برا دەبێتە شیڕیان و یەکیان گیانی لەدەست دەدات و دوانی تریش بریندار دەبن.
کەمێک پێش ئێستا،لە گوندی گۆری ئەسپ لە ناحیەی شێخ تەویل سەر بە ئیدارەی گەرمیان، بەھۆی کێشەی زەوی و زارەوە شەڕ لە نێوان چەند برایەک دروست دەبێت.
بە گوێرەی زانیارییەکان برایەکیان کوژراوە و دوانیشیان بریندارن.
عەلی جەمال قدوری، وتەبێژی پۆلیسی گەرمیان لەمبارەوە رایگەیاند" چەند برایەک کێشە لە نێوانیان دروستەبێت و دەبێتە شەڕیان و تەقەیان لەیەک کردووە، و یەکێک لە براکان گیانی لەدەستداوە و دوانی تریشیان بریندارن، شەڕەکەش بەھۆی کێشەی زەوی و زارەوە بووە".
پۆلیس لێکۆڵینەوەی لە ڕوداوەکە دەستپێکردوە، تاوەکو ئێستا ھیچ کەسێک لەسەر ڕوداوەکە دەستگیرنەکراوە