بەپێی زانیارییەکانی ماڵپەڕی (سپی)، ئێوارەی ئەمڕۆ لەسەر کێشەی زەوی و زار لە شەقامی ١٢٠ مەتری لە گەڕەکی هەولێری نوێ، ڕووداوێکی تەقەکردن لە نێوان دوو وەبەرهێنەر و کەسوکارەکانیان روویدا.
بەپێی زانیارییە سەرەتاییەکان، تائێستا دوو کەس لە ئەنجامی ڕووداوی تەقەکردنەکە گیانیان لەدەستداوە و چوار کەسی دیکەس بریندار بوون کە لە ئێستادا سەرجەمیان گواستراونەتەوە بۆ نەخۆشخانە.
دوای ڕووداوەکەش هێزەکانی پۆلیس و ئاسایش و پۆلیسی فریاکەوتن گەیشتنە شوێنی رووداوەکە و لێکۆڵینەوەیان دەستپێکردووە، بەڵام تائێستا هیچ ڕاگەیەندراوێکی فەرمیان بڵاونەکردووەتەوە.