وەزارەتی پەروەردەی هەرێم چەند بڕیارێكی تایبەت بە ساڵی نوێی خوێندنی ٢٠٢٤ بۆ ٢٠٢٥ دەركرد.
بەپێی بڕیارەكان كە بە نووسراوی ژمارە (١٨٦) لە (٢٠٢٤/٦/١٠) دەرچووە و ئاڕاستەی بەڕێوەبەرایەتییە گشتییەكانی سنووری پارێزگا و ئیدارە سەربەخۆكان كراوە، كارگێڕی ناوەندەكانی خوێندن لە ٢٤ تا ٢٩ی ئاب خوێندكاران بەسەر هۆڵەكانی خوێندندا دابەشدەكەن.
هاوکات بڕیاریشی داوە کە لە ٣١ی ئاب تا ٥ی ئەیلوول خشتەی هەفتانەی وانەكان دادەنرێت و بەشەوانەی مامۆستایان دیاری دەکرێت، ڕۆژی دووشەممە ١ی ئەیلوول ڕۆژی پەیوەندیكردنەوەی مامۆستایانە بە ناوەندەكانی خوێندن.
لە ماوەی وەرزی هاوینیشدا كارگێڕیی ناوەندەكانی خوێندن ڕۆژانی دووشەممە و پێنجشەممە لە دەوامدا دەبن.