ڕێکخراوی پەیامنێران ڕایدەگەیەنێت" لە ماوەی شەش مانگی ئەمساڵدا زۆرترین حاڵەتی پێشلکاری بەرامبەر رۆژنامەنووسان لە پارێزگای هەولێر تۆمارکراوە".
ئەمڕۆ سێشەممە ٢٥ی حوزەیرانی ٢٠١٤ ڕێکخراوی پەیامنێران بۆ ماف و گەشەپێدان، ئاماری پێشێلکارییەکانی بەرامبەر ڕۆژنامەنووسان لە شەش مانگی یەکەمی ئەمساڵدا بڵاوکردەوە و ڕایگەیاند" ئەمساڵ ٧٨ حاڵەتی پێشێلکاری تۆمارکراون کە بەرامبەر ١٤٥ ڕۆژنامەنووس ئەنجام دراوە".
ئاماژەی بەوەشکرد، لە كۆی ئەو حاڵەتانە ٤٦ یان لە هەولێر و ٢١ حاڵەت لە دهۆك و ١١ حاڵەت لە سلێمانی بووە و هیچ حاڵەتێكی پێشێلكاریش لە هەڵەبجە ئەنجامنەدراوە.
ئەوەشی خستەڕوو، ڕێگانەدان بە ڕووماڵکردنى ٥٩ حاڵەت ھەبووە، ھێرش و دەست بەسەرداگرتنی کەلوپەلی ڕۆژنامەوانی ١٩ حاڵەت بووە.