کۆمسیۆنی باڵای باڵای سەربەخۆی هەڵبژاردنەکانی عێراق کە هەڵبژاردنی پەرلەمانی کوردستان بەڕێوە دەبات، ئەمڕۆ پێنج شەممە ٢٧ی حوزەیرانی ٢٠٢٤ وادەی پێشکەشکردنی ناوی لیستی هاوپەیمانێتی و کاندیدەکانی درێژکردەوە.
جومانە غەلای وتەبێژی كۆمسیۆنی باڵای سەربەخۆی هەڵبژاردنەكان لە عێراق، ڕایگەیاند" دادوەر عەباس فەتلاوی سەرۆكی فەرمانگەی هەڵبژاردنەکان بڕیاریدا بە درێژكردنەوەی ماوەی تۆماری هاوپەیمانی، پارت و كاندیدانی خوازیاری بەشداریكردن لە هەڵبژاردن".
ئاماژەی بەوەشکرد، درێژكردنەوەی وادەكە تا كۆتایی دەوامی فەرمی رۆژی ٤ی تەموزی ٢٠٢٤ دەبێت.