ئەمڕۆ پێنج شەممە ٤ی تەموزی ٢٠٢٤ دژی وەرنەگرتنی بەروبومەكانیان، جوتیارانی سنووری پارێزگای کەرکوک رێگەی سەرەکی (کەرکوک - بەغداد)یان داخست.
بەپێی زانیارییەکان، ئەمڕۆ جوتیارانی سنووری پارێزگای کەرکوک دژی وەرنەگرتنی بەروبومەکانیان لە بەردەم سایلۆی قەزای خورماتوو گردبوونەوە و ناڕەزایەتییان ئەنجامدا.
هەروەها جوتیارانی نارازی رێگەی سەرەکی (کەرکوک - بەغداد)یان داخستووە و ڕێگەی بە هاتووچۆی شۆفێران نادەن و جەخت لە جێبەجێکردنی داواکارییەکانیان دەکەنەوە.
لە ئێستادا بە مەبەستی کردنەوەی ڕێگەکە و بڵاوەپێکردنی جوتیارانی ناڕازی، هێزێکی سوپای عێراق گەیشتوونەتە شوێنەکە و سەرقاڵی کردنەوەی رێگاکەن.