سبەی یەكشەممە لە هەرێمی كوردستان پشووی فەرمییە، بەڵام تاقیکردنەوەکان ناوەستن.
فەرمانگەی میدیا و زانیاری حکومەتی هەرێم ڕایگەیاند" ڕۆژی یەكشەممە، (٧ ی تەممووزی ٢٠٢٤)، لە سەرجەم دامودەزگا فەرمییەكانی هەرێمی كوردستان، بە بۆنەی سەری ساڵی كۆچییەوە پشووی فەرمی دەبێت".
ئاماژەی بەوەشکرد، هاوکات تاقیکردنەوەکانی پۆلی ١٢ ی ئامادەیی بەردەوام دەبن و بە هۆی پشووەوە ناوەستن.
هاوکات ئەوەشی خستەڕوو، ڕۆژی دووشەممە (٨ ی تەممووزی ٢٠٢٤)، دەوامی فەرمی لە سەرجەم دامودەزگا فەرمییەكان دەست پێ دەكاتەوە.