ئەمڕۆ یەکشەممە ١٤ی تەمموزی ٢٠٢٤ لە ئەنجامی ڕووداوێکی هاتووچۆ لە سنووری پارێزگای دهۆک کەسێک گیانی لەدەستدا و دوو كەسی دیكەش بریندار بوون.
ئازاد تەها وتەبێژی بەڕێوەبەرایەتی هاتووچۆی پارێزگای دهۆك، رایگەیاندووە" ئەمڕۆ ڕووداوێکی هاتووچۆ لە نێوان دوو ئۆتۆمبێلی تایبەت (هۆندای تۆكسۆن – تیۆتا هایلۆكس) ڕوویدا".
ئاماژەی بەوەشکردووە، ڕووداوەکە لەسەر ڕێگەی سەرەكی (دهۆك - شێخان) نزیك گوندی مامزدینا ڕوویداوە کە بووە هۆی گیان لە دەستدانی هاوڵاتییەک و برینداربوونی دوو كەسی دیكە.
بەپێی ئامارێکی وەزارەتی پلاندانانی عێراق کە لە کۆتایی مانگی حوزەیرانی ئەمساڵدا بڵاویکردەوە، ساڵی ڕابردوو بێجگە لە هەرێمی کوردستان لە پارێزگاکانی عێراق ١١ هەزار و ٥٥٢ رووداوی هاتووچۆ روویانداوە.