بەیانی ئەمڕۆ سێشەممە لە کەمپی قادیا تایبەت بە ئاوارەکان ئاگرکەوتەوە، بەڵام هیچ زیانێکی گیانی بە دواوە نەبوو.
بەڕێوەبەرایەتی بەرگری شارستانی زاخۆ، لە ڕاگەیەندراوێکدا بڵاویکردەوە" کاتژمێر (١٠:٢٤) خولەکی بەیانی ئەمڕۆ ژووری کۆنتڕۆڵی بەرگری شارستانی زاخۆ ئاگادار کرانەوە بە کەوتنەوەی ئاگرێک لە کابینەیەکی نیشتەجێبوون لە کەمپی قادیای تایبەت بە ئاوارەکان".
ئاماژەی بەوەشکرد، لە زووترین کاتدا ئاگرەکە کۆنتڕۆڵ کرا و جگە لە زیانی ماددی هیچ زیانێکی گیانی بە دواوە نەبوو.