بەیانی ئەمڕۆ سێشەممە ٢٣ی تەموزی ٢٠٢٤، دژی ساغ نەبوونەوەی بەرهەمەکانیان کاسبکارانی عەلوەی سلێمانی گردبونەوە و ڕێگەیەکی سەرەکیان داخست.
بەپێی زانیارییەکانی پەیامنێری ماڵپەڕی (سپی)، پێشنیوەڕۆی ئەمڕۆ كاسبكارانی عەلوەی سلێمانی، بەهۆی ساغ نەبوونەوەی بەرهەمەکانیان لە بەردەم بینای پارێزگای سلێمانی گردبوونەوە و نارەزایەتییان ئەنجامدا.
لە ئێستادا کاسبکارانی نارازی شەقامی سەرەكی (سلێمانی - راپەڕین) یان داخستوە و ڕێگە بە هاتوچۆکردنی شۆفێران نادەن.
هەروەها کاسبکارانی عەلوەی سلێمانی، بەهۆی ئەوەی بەرهەمەکانیان ساغ نابێتەوە، ئاماژە بەوەدەکەن کە" بەرهەمی خەیار لە ناوەڕاست و خوارووی عێراق و ئێران هاوردەی سلێمانی دەکرێت، ئەمەش وادەکات بەرهەمەکانمان ساغ نەبێتەوە لە بازاڕدا".
دەشڵێن" ئەگەر بەمجۆرە بەردەوام بێت بەرهەمەکانمان خراپ دەبێت و ناچار دەبین فڕێی بدەین".