لە بارەی کوژرانی کاسبکارەکەی بازاڕی راپەڕینەوە، بەڕێوەبەرایەتی ئاسایشی سلێمانی ڕایگەیاند، راگەیەندراوەکەی بەڕێوەبەرایەتی ئاسایشی سلێمانی، ئاماژە بەوە کراوە "پاش ئەوەی ئەمشەو کاتژمێر 9:30 لە گەڕەکی راپەڕینی شاری سلێمانی گرژی و ئاڵۆزی لە نێوان دوو هاوڵاتی دروست دەبێت، بەداخەوە دەبێتە هۆی گیانلەدەستدانی کەسێک".
بەگوێرەی راگەیەندراوەکە "راستەوخۆ هێزەکانی ئاسایش گەیشتنە شوێنی رووداوەکە و تۆمەتباری رووداوەکە دەستگیردەکەن".
لە راگەیەندراوەکەدا روونکراوەتەوە "لەپێناو سەروەربوونی یاسا کارمەندێکی (هێزەکانی کۆماندۆ) بە تۆمەتی هاوکاریکردنی بکوژەکە، لەلایەن کۆماندۆی کوردستان رادەستی هێزەکانی ئاسایش کرا".
جەختیشکراوەتەوە، "لە ئێستادا لێکۆڵینەوە لە رووداوەکە بەردەوامە".