لە سنووری پارێزگای کەرکوک مامۆستایەکی ئاینی کە پێش نوێژ و وتارخوێنی مزگەوتێکە بە ڕووداوی هاتووچۆ گیانی لەدەستدا و سێ ئەندامی خێزانەکەشی بریندار بوون.
بەپێی زانیارییەکانی ماڵپەڕی (سپی)، درنگانی شەوی رابردوو ڕووداوێکی هاتووچۆ لە نێوان ئۆتۆمبێلێکی جۆری (بارهەڵگر و جۆری کیا) لەسەر ڕێگەی پشتێنەی کەرکوک ڕوویدا.
لە ئەنجامی ڕووداوەکە شۆفێرێک گیانی لەدەستدا و هاوسەر و دوو منداڵەکەشی برینداربوون، دوای ڕووداوەکەش رەوانەی نەخۆشخانەی ئازادی کران.
بەپێی زانیارییەکان، ئەو کەسەی گیانی لەدەستداوە ناوی (محەمەد نەجم)ە، لە مزگەوتی گوندی دارای ناوچەی هەفتە غارە پێشنوێژ و وتارخوێن بووە.