لە پارێزگای ئەرزینجانی باکووری کوردستان، لە ئەنجامی رووداوێکی هاتوچۆدا چوار کەس گیانیانلەدەستدا و دوو کەسی دیکەش بریندار بوون.
بەگوێرەی زانیارییەکان ئەمڕۆ ٢٤ی ئاب رووداوەکە لەنێوان دوو بارهەڵگر و ئۆتۆمبێلێکدا لەسەر رێگای سەرەکیی ئەرزینجان - سێواس روویداوە.
لە شوێنی رووداوەکە شۆفێری ئۆتۆمبێلەکە و دوو لە سەرنشینەکانی گیانیانلەدەستداوە، منداڵێکی تەمەن سێ ساڵانی سەرنشینی ئۆتۆمبێلەکە، شۆفێر و سەرنشینی یەکێک لە بارهەڵگرەکان بە برینداریی گەیەندراونەتە نەخۆشخانەی فێرکاریی ئەرزینجان.
منداڵەکە لە نەخۆشخانە سەرەڕای سەرجەم هەوڵەکان بۆ رزگارکردنی ژیانی، گیانیلەدەستداوە، سەرنشینانی ئۆتۆمبێلەکە کە گیانیانلەدەستداوە، دوو هاوسەر و منداڵەکەیان بوون.