ئاگرەکەی ئێوارەی ئەمڕۆی دەروازەى نێودەوڵەتى پەروێزخان تادێت زیاتر فراوان دەبێت و بەپێی زانیارییە سەرەتاییەکان تائێستا ١٠ تانکەر سووتاون و شۆفێرێکیش بەهۆی ڕووداوەکەوە گیانی لەدەستداوە.
پاش ئەوەی ئێوارەی ئەمڕۆ دووشەممە تانكەرێكی گواستنەوەی سوتەمەنی لە دەروازەی نێودەوڵەتی پەروێزخان گڕی گرت و تەقیەوە و لە ئەنجامیشدا ١٠ تانكەری دیكە گڕیان گرتووە.
بەپێى زانیارییە سەرەتاییەکان، شۆفێرێک لە ئەنجامی ئاگرەکە گیانى لەدەستداوە و کارمەندێکى بەرگرى شارستانى بریندار بووە.
هەروەها لە ئێستادا تیمەكانی بەرگری شارستانی و لایەنە پەیوەندیدارەکان لە شوێنی رووداوەكەن و لە هەوڵی کۆنترۆڵکردنی ئاگرەكەدان.