نوێنەری گشتی مامۆستایانی گرێبەست ئاشكرای دەكات،هەفتەی داهاتوو شایستەی دارایی مانگی پێنجی مامۆستایانی وانەبێژ دابەش دەکرێت.
كارۆخ عەبدوڵا گوڵاوی، نوێنەری گشتی مامۆستایانی گرێبەست لە لێدوانێکی رۆژنامەوانیدا ڕایگەیاند" لەم هەفتەیەدا شایستەی مانگی ٥ ی مامۆستایانی وانەبێژ دەکرێت بەچەک لە سەرجەم پەروەردەکان و سەرەتای هەفتەی داهاتوو دەستدەکرێت بەدابەشکردنی، بەشێوەی مەقتوعی تەواو ، كە بۆ مانگی ٥ و ٦ بەشێوەی مەقتوعی تەواو خەرج دەكرێت، بەڵام بۆ مانگی ٧ و ٨ بەشێوەی نیو مەقتوعە و پێكەوە خەرج دەكرێت".
ئاماژەی بەوەشكرد، چاوەڕێین دوای ڕەزامەندی و ڕێکارە داراییەکان لەمانگی ٩ بۆ مانگی ١٠ مامۆستایان بەشێوەی گرێبەست مووچەکانیان وەربگرن" .
جەختیشی كردەوە، لەکۆتایی ئەم هەفتەیە ڕۆژی پێنج شەممە بەرواری ٥ی ٩ ناوی سەرجەم مامۆستایانی گرێبەست دەگەڕێنەوە بۆ وەزارەتی پەروەردە ، دوای وردبینی ناوەکان لەوەزارەت بەفەرمان و ڕێنمایی وەزارەت دەستدەکرێت بەمامەڵەی گرێبەست بوون .