مەلا بەختیار ئەندامی پێشووی ئەنجومەنی باڵای یەکێتی لە وەڵامی دەستبەسەراگرتنی بینایەی چاودێرو ماڵەکەی لە خانەقین دەڵێت" لوتکەی بێ وەفایی".
لە درێژەی ئەو لێدوانە ڤیدیۆییەدا کە ئەمشەو پێنج شەممە بڵاویکردەوە، مەلا بەختیار دەڵێت" بافڵ تاڵەبانی ئاماژە بەوە دەکات کە دەیەوێت بچێته سەر ماڵەکەم لە خانەقین.
مەلا بەختیار لەپەیامێکی ڤیدیۆیدا ڕایگەیاند "نەوەک تەنیا چاودێر، بەڵکو ماڵەکەیشم لە خانەقین هەڕەشەی لەسەرە و بافڵ تاڵەبانی دەیەوێ بچێتە سەر ماڵەکەم لە خانەقین و داگیری بکەن".
دەشڵێت "کوڕانی مام جەلال بە کودەتا و نەخشە و پیلان دەسەڵاتیان گرتووەتە دەست، ناکرێ قاچیان درێژ بکەن".