بەڕێوەبەرایەتیی هاتوچۆی سلێمانی ڕایگەیاند" هەر هاوڵاتییەک فسفۆر یان هەر هێمایەکی دیکە لە شەقامەکانی بەردەم شوێنی کارەکانیان دانابێت لێپێچینەوەیان لەگەڵ دەکرێت".
بەڕێوەبەرایەتیی هاتوچۆی سلێمانی لە ڕاگەیەنراوێکدا بڵاوى کردەوە" دانانی قوچەکی فسفۆڕ و هێمای هاوشێوەی لە بەردەم سەرجەم فرۆشگا، مارکێت، دەرمانخانەکان وسەرجەم شوێنکارەکان قەدەغەیە".
وتیشی" شەقامەکان موڵکی گشتین و نابێت بۆ بەرژەوەندیی تاکەکەسی بەکاربهێنرێت و قۆرغکردنیان کارێکی نایاساییە".
لە ڕاگەیەندراوەکە هاتوە، لەئەمڕۆ سێشەممەوە بە هەماهەنگی لەگەڵ بەشی زیادەڕەوی شارەوانیی سلێمانی لێپێچینەوە لەو لایەنانە دەست پێدەکەن کە ئەو جۆرە هێمایانە لە بەردەمى شوێنکارەکانیان دادەنێن