کەمێک پێش ئێستا بەڕێوەبەرایەتی گشتی کەشناسی و بوومەلەرزەی هەرێمی سەر بە وەزارەتی گواستنەوە و گەیاندن ڕەوشی کەشوهەوای بڵاوکردەوە و دەڵێت" سبەینێ ئاسمان نیمچە هەور دەبێت و لە هەندێک ناوچەش دەگۆرێت بۆ هەوری تەواو، پلەکانی گەرماش نزمتردەبنەوە".
بەپێی پێشبینییەکانی کەشناسی هەرێم، ئەمڕۆ ئاسمان بەگشتی ساماڵ و پەڵەهەور دەبێت و دواتر دەگۆڕێت بۆ نیمچە هەور، هاوکات پلەکانی گەرما نزیک دەبنەوە لە تۆمارکراوەکانی دوێنێ، خێرای باش (١٠ - ١٥)کم دەبێت بە ئاڕاستەی باکوری خۆرئاوا و مەودای بینین (٩ - ١٠)کم دەبێت.
ئەوەشی خستەڕوو، سبەینێ پێنج شەممە ئاسمان نیمچە هەور دەبێت، بەڵام لە هەندێک ناوچە دەگۆرێت بۆ هەوری تەواو، هەروەها پلەکانی گەرما بەراورد بە تۆمارکراوەکانی ئەمڕۆ دادەبەزن، خێرای باش (١٠ - ٢٠)کم دەبێت، مەودای بینین (٨ - ٩)کم دەبێت.
بەرزترین پلەکانی گەرمای پێشبینیکراو بە پلەی سیلیزی بۆ سبەی بەمشێوەیەیە:
هەولێر: ٣٤
سلێمانی: ٣٣
دهۆک: ٣٣
زاخۆ: ٣٣
هەڵەبجە: ٣٤
کەرکوک: ٣٦
سۆران: ٣٢
حاجی ئۆمەران: ٢٤
گەرمیان: ٣٧